Hovenieri takon drejtuesit e Odës Ekonomike në Kosovë dhe Serbi, flasin për përmirësim bashkëpunimi

Ambasadori amerikan në Prishtinë, Jeff Hovenier, ka takuar përfaqësuesit e Odës Ekonomike të Kosovës, Lulëzim Rafuna dhe atë të Odës Ekonomike të Serbisë, Marko Çadez.

Në një postim në “X”, Hovenieri ka shkruar se kanë diskutuar për mënyrat e përmirësimit të bashkëpunimit ndërmjet komuniteteve.

“Bisedë e mirë me drejtuesit e Odës Ekonomike të Kosovës dhe Odës Ekonomike të Serbisë mbi mënyrat për të përmirësuar bashkëpunimin ndërmjet komuniteteve të biznesit kosovar dhe serb në Kosovë dhe Serbi. Normalizimi i marrëdhënieve mes dy vendeve do të rrisë stabilitetin dhe prosperitetin rajonal”, shkroi Hovenieri.

Good conversation with the leaders of @odaekonomike and @Privrednakomora on ways to improve cooperation between Kosovan and Serbian business communities in Kosovo and Serbia. Normalizing relations between the two countries will increase regional stability and prosperity. pic.twitter.com/AidZh32yrp

— Ambassador Jeff Hovenier (@USAmbKosovo) March 25, 2024