Azemi: 70% e kompanive kanë përmirësuar kushte e punës, shqetësuese ikja e punëtorëve

Kryetari i Sindikatës së Sektorit privat të Kosovës, Jusuf Azemi, ka bërë të ditur se 70% e kompanive pas liberalizimit të vizave kanë përmirësuar kushtet e punës, duke quajtur këtë si formë e imponimit.

Ai ka thënë se ka lëvizje edhe tekë pagat, por që ato nuk janë në nivelin që meritojnë punëtoret.

“Ka përmirësim kushtesh, paga të mira të punëtorëve jo aq sa e meritojnë por ka lëvizje, por më e rëndë është fakti se iu është imponuar, ka lëvizje edhe tek pagat. E kushtet nuk ka dilema aty, shembull në markete deri vonë ka qenë 250 euro tashmë kemi ngritje 350 megjithatë ka vende që se kanë këtë pagë. Diku 70% të kompanive kanë lëvizur në këtë drejtim”, ka thënë ai.

Azemi ka thënë se pas liberalizimit të vizave rreth 140 mijë persona janë larguar nga vendi.

Ai ka shtuar se si Sindikata e po ashtu edhe bizneset janë të indinjuar se si qeveria nuk ka marr hapa me herët për të parandaluar këtë dukuri.

“Ne kemi paralajmëruar si Sindikatë se mund të kemi rreth 150 mijë punëtorë që do të largohen, megjithatë nuk duhet të japim shifra. Por shifrën që e kemi dhënë për gjatë gjithë vitit, vetëm për një muaj kemi pasur ikje 140 mijë vetë gjatë janarit. Vetëm nga aeroporti 230 mijë dalje por duke e konsideruar që 50% të tyre kthehet, 25% kanë shkuar të themi tek familjarët e tyre, pjesa tjetër mbetet shqetësuese dhe ne jemi shumë të indinjuar, edhe pronarët e kompanive sepse ata e kanë parë seriozitetin e kësaj pune”, ka thënë ai për Ekonomia Online.