Kritika drejt Qeverisë: Rriti pensionet, mos jep dru!

Ende pa filluar jetësimin, hasi në kritika.

Masa 1.2 që qeveria e prezantoi të mërkurën që të subvencionojë lëndët djegëse për familjet me asistencë sociale nuk po ua mbush syrin shoqërisë civile.

Bile kjo sipas tyre, ndikon në pasivizimin e kësaj kategorie.

Mbështetja e njëhershme për skamnorët po u duket shterpë edhe opozitës. Madje kritikojnë qeverinë që 1/3 e buxhetit e ndau për subvencione, raporton Klan Kosova.

Sipas PDK-së, 21 mijë familjet që pritet të përfitojnë nga kjo ndihmë, duhet përkrahur në mënyrë konstante.

Ekzekutivi njoftoi se nga 120 euro do të marrin familjet në nevojë e nga 30 euro shtesë për çdo anëtarë të familjes.