Komuna e Prishtinës fton banorët për legalizimin e ndërtimeve pa leje
Ekonomia
September 07, 2023 - 12:21
Komuna e Prishtinës ka njoftuar se tashmë Ligji për ndryshimin dhe plotësimin e Ligjit për trajtimin e ndërtimeve pa leje ka hyrë në fuqi dhe nga data 1 shtator 2023 dhe se është hapur afati për dorëzimin e aplikimeve për legalizimin e ndërtimeve pa leje.
“Të nderuar qytetarë, ju njoftojmë se Ligji për ndryshimin dhe plotësimin e ligjit për trajtimin e ndërtimeve pa leje tashmë ka hyrë në fuqi dhe nga data 1 shtator 2023, është hapur afati për dorëzimin e aplikimeve për legalizimin e ndërtimeve pa leje”, thuhet në njoftimin e Komunës së Prishtinës.
Tutje, vazhdon njoftimi, qytetarët mund të drejtohen në komunën e tyre përkatëse, ku dorëzohen edhe aplikimet për legalizim.
“Legalizo ndërtimin, mos e humb mundësinë”, thuhet në njoftim.