Zyrtare: Koeficienti, 105 euro

Në Ligjin e ri për pagat koeficienti për zyrtarët publikë do të jetë 105 euro.

Kështu bëri të ditur kryeministri Albin Kurti në mbledhjen e Qeverisë, raporton Zeri.info.

Kurti tha se koeficienti pritet të rritet në 110 euro nga janari i vitit 2024.

“MPB-ja dhe MF-ja kanë bërë klasifikimin e plotë të pozitave sipas Ligjit të ri të pagave të 82 mijë zyrtarëve publikë, pas këtij vlerësimi është mbërritur te vlera e koeficientit dhe ai është 105 euro, ndërsa në janar të vitit 2024 koeficienti do të jetë 110 euro”, tha Kurti.

Ai shtoi se me këtë ndryshim të Ligjit të buxhetit i hapet rrugë sistemit të ri të pagave prej këtij muaji. /Zëri