KEDS/KESCO: Vetëm javën e fundit të nëntorit importuam 4 milionë euro energji elektrike
KEDS/KESCO kanë bërë të ditur se vetëm në javën e fundit të muajit nëntor janë importuar katër milionë euro energji elektrike.
Sipas njoftimit thuhet se këtë vit importi është tetë fish më i lartë se sa nëntorin e vitit 2020.
”Se sa janë rritur çmimet tregon fakti që nëse krahasojmë me të gjithë muajin nëntor të vitin 2020, importi i energjisë elektrike ka qenë 2.3 milionë euro. Pra, sivjet importi i një jave po kushton 4 milionë, kurse para dy vitesh ka kushtuar rreth 500 mijë euro një javë apo 8 fish më pak”.
“Kjo ka ndodhur pasi çmimet e energjisë në tregjet ndërkombëtare janë rritur shumë javën e fundit. Për energjinë e kohës së pikut, nga rreth 250 euro për megavat/orë kanë arritur në 475 euro për megavat/orë, pra gati dyfishim në krahasim me javët më herët”, thuhet në njoftim, raporton Zeri.info.
KEDS/KESCO deklarojnë se zgjidhja e vetme në këto rrethana mbetet kursimi sa më i madh i energjisë elektrike.
“Shifrat e tilla rrisin paparashikueshmërinë dhe thellojnë gjendjen emergjente në të cilin ndodhet sistemi elektroenergjetik i Kosovës tash e më tepër se një vit, krizë kjo e importuar nga jashtë, që më së keqi ka goditur Evropën”.
“Zgjidhja e vetme në këto rrethana mbetet kursimi sa më i madh i energjisë elektrike, në mënyrë që efektet e importit të ndihen sa më pak. Kosova prodhon deri në 800 MË/h, ndërsa gjatë fundit të nëntorit kërkesa vazhdimisht ka arritur në mbi 1000 MË/h. Pra, qysh tash nevojitet import i latë për ta mbuluar gepin ndërmjet prodhimit dhe konsumit”. /Zëri
