Berjani: Kosova ka çmimet më të lira të derivateve në rajon

Berjani: Kosova ka çmimet më të lira të derivateve në rajon

Ekonomia October 12, 2021 - 08:49

Kryetari i Shoqatës së Naftëtarëve të Kosovës, Fadil Berjani, thotë se vendi nuk do të ketë probleme me furnizime të karburanteve gjatë stinës së dimrit.

Në një lidhje direkte në Klan Kosova, Berjani deklaroi se qytetarët e Kosovës janë duke u furnizuar me çmimin më të lirë të karburanteve në rajon.

“Qytetarët e Republikës së Kosovës janë duke u furnizuar me çmime më të lira në regjion. Çmimet sot sillen në 1.15 centë deri në 1.20 në naftë, ndërsa në benzinë 1.16 deri në 1.25 centë”.

“E kuptojmë se për qytetarët derivatet janë të shtrenjta por këtë çmim e përcakton ‘Berza’ dhe organizata prodhuese ‘Opek’, të gjitha shtetet e mëdha botërore kanë ndikim dhe organizata prodhuese e ka reduktuar prodhimin e për këtë kemi rritje çmimesh. Por te ne në Kosovë çmimi është duke u rritur në mënyrë të lehtë”, tha Berjani.