Infektuar: 107497
Shëruar: 104054
Vdekur: 2245
Kryeshefi i Telekomit jep dorëheqje për arsye shëndetësore

Kryeshefi i Telekomit jep dorëheqje për arsye shëndetësore

Ekonomia June 07, 2021 - 11:51

Zeqir Kiqina, ushtrues i detyrës i kryeshefit të Telekomit të Kosovës, ia ka ofruar dorëheqjen Bordit të Drejtorëve nga kjo pozitë për arsye shëndetësore.

Zyra për Media e Telekomit njofton se Kiqina do të ketë gjatë kësaj jave një operim të rekomanduar nga mjeku dhe e ka qenë pamundur që të vazhdojë tutje me udhëheqjen e kompanisë.

“Me qëllim që të mos ketë asnjë ngecje në menaxhimin e saj, ai ka kërkuar nga Bordi që të lirohet nga kjo pozitë”, thuhet në njoftim.

Bordi i Drejtorëve ka votuar në mënyrë unanime për dorëheqjen e tij dhe i ka uruar atij shërim të shpejtë.

“Gjithashtu Bordi ka falënderuar Kiqinën për kontributin e dhënë në menaxhimin e kompanisë në këtë kohë të vështirë pandemike”.

Po në këtë mbledhje është aprovuar edhe dorëheqja e u.d. të zyrtarit kryesor financiar dhe të Thesarit z. Agim Matoshi. Bordi po ashtu ka falënderuar Matoshin për kontributin e dhënë në menaxhimin e kompanisë në këtë kohë të vështirë pandemie.

Dy zyrtarët e lartë të kompanisë në përputhje me proceduarat e brendshme do të kthehen në pozitat që kanë pasur më herët.

Gjithashtu, Bordi i Drejtorëve me vendim unanim ka emëruar si u.d. të kryeshefit ekzekutiv Burbuqe Hanën dhe në pozitën e u.d. të zyrtarit kryesor financiar dhe të Thesarit Feim Kelmendin. /Zëri