Infektuar: 70185
Shëruar: 313132
Vdekur: 1616
KRU “Prishtina” njofton se disa zona të furnizimit nuk do të kenë ujë deri nesër

KRU “Prishtina” njofton se disa zona të furnizimit nuk do të kenë ujë deri nesër

Ekonomia January 25, 2021 - 20:33

KRU “Prishtina” njofton se konsumatorët e Fushë Kosovës, Drenasit, Obiliqit, lagjes "Kalabria" në Prishtinë, Lagjes Mati 1, kanë ndërprerje të ujit si pasojë e trubullirës së krijuar nga kanali i Ibrit.

Përmes një njoftimi, kompania thotë se janë në gjendje emergjente pas vërshimeve, por nesër në mëngjes, pritet gradualisht stabilizimi i gjendjes.

"Ju njoftojmë se, drejtoresha teknike me ekipe shtesë aktualisht janë në terren për realizimin e alternativave teknike për furnizim me ujë nga linjat e tjera, për zonat që kanë probleme me furnizim. Në anën tjetër, kërkojmë mirëkuptim nga ana juaj, pasi që kjo situatë është krijuar nga reshjet atmosferike kohëve të fundit", thuhet në njoftimin e KRU "Prishtina". /Zëri/