Prishtina, nga sot me platformë informuese për turistët

Komuna e Prishtinës nga sot e tutje ofron në dispozicion një platformë informuese për turistët.

Të gjithë ata që vizitojnë kryeqytetin e Kosovës do të kenë mundësi të informohen dhe të planifikojnë udhëtimin e tyre përmes kësaj platforme.

Lajmin e ka bërë të ditur vetë kryetari i Komunës së Prishtinës, Shpend Ahmeti.

“Të gjithë ata që e vizojnë Prishtinën tash e tutje do ta kenë më lehtë të informohen dhe të planifikojnë vizitën e tyre në kryeqytet! ‘InPrishtina’ është brendi i ri dhe platforma informuese turistike e punuar me shumë dashuri për Prishtinën. Falënderojmë të gjithë që kontribuuan në këtë projekt të veçantë për qytetin tonë”, shkruan Ahmeti. /Zëri