Hoti thotë se investimi në bujqësi sjell produktivitet

Kryeministri i Kosovës, Avdullah Hoti, e ka quajtur investimin në bujqësi si më produktivin. Sipas tij, ky investim ndikon në mirëqenien e qytetarëve.

“Nuk ka investim më produktiv se ai në bujqësi”, ka thënë Hoti sot gjatë përurimit të punimeve në sistemin e ujitjes “Radoniqi-Dukagjini”.

Ai tha se ky projekt ka filluar para 5 vjetëve, ndërsa ka përfunduar këtë vit.

“Jam shumë i kënaqur që para 5 vjetëve e kemi filluar, sot arrijmë të përfundojmë pjesën që lidh Radoniqin me Dukagjinin”.

Hoti tha se është i lumtur që me këtë sistem mund të zbulohet hapësira prej 5000 hektarëve deri në dhjetë mijë dhe të shtrijmë deri në 30 mijë hektarë.

“Nuk ka investim më produktiv sesa investimi në bujqësi, sepse e rrit produktivitetin së paku tri herë”, tha Hoti. /Zëri