Termokos do të zgjerojë rrjetin e ngrohjes në 50% të lagjeve të Prishtinës

Termokos do të zgjerojë rrjetin e ngrohjes në 50% të lagjeve të Prishtinës

Ekonomia January 23, 2020 - 14:03

Termokos publikoi rezultatet e projekteve që janë realizuar vitin e kaluar dhe projektet që pritet të realizohen këtë vit.

Drejtues të ndërmarrjes gjatë një konference për media kanë bërë të ditur se  furnizimi me ngrohje gjatë vitit 2019 ka qenë më i mirë, ku përmirësim i madh ka pasur në Bregun e Diellit dhe lagjen e universitetit, teksa sivjet do të ketë zgjerim të rrjetit të ngrohjes në 50% të lagjeve në Prishtinë, nga 28% sa ishte deri tash.

Kryeshefi ekzekutiv, Arsim Fetahu tha se 2019 konsiderohet si viti më i suksesshme në historinë e Termokosit. Ai tha se pjesa dërmuese e konsumatorëve janë të kënaqur me shërbimet e ofruara.

Sipas tij humbjet e energjisë gjatë vitit 2019 kanë pasur rënie nga 10 për qind në 8 për qind, që është shume e rëndësishme për përmbushjen e nevojave në aspektin teknik.

Fetahu tha se lagjet që do të jenë prioritet i Termokosit për vitin 2020, janë fillimisht ‘Ulpiana’, ‘Dardania’, ‘Mati 1’.

Ndryshe, Termokos është themeluar në vitin 1970, si kompani e ngrohjes qendrore.