“Ministria e Inovacionit ka subvencionuar një frizere”

Shefi i Grupit Parlamentar të LDK-së, Avdullah Hoti, thotë se Qeveria e Kosovës ka subvencionuar një frizere”.

Ai thotë se këtë e dëshmon Raporti i Auditorit për vitin 2018.

“Qeveria subvencionon frizeret. Raporti i Auditorit për 2018 dëshmon se Ministria e Inovacionit dhe Ndërmarresise ka subvencionuar një frizere”, ka shkruar Hoti në Facebook.

“Pse taksat e qytetarëve duhet të jepen subvencion për frizere? A përbën ky lloj biznesi interes publik që duhet të subvencionohet? A përbën ky lloj biznesi inovacion, për të cilën çështje është themeluar kjo Ministri? Të gjitha frizeret kanë të drejta të barabarta para ligjit, dhe me të drejte do të mund të protestojnë dhe të kërkojnë trajtim të njëjtë”, ka shkruar tutje Hoti.

Hoti, tutje thotë se Komisioni për Mbikëqyrje të Financave Publike do të shqyrtoje me kujdes këtë raport.

“Ligjit askush nuk do t’i ikë, drejtësi do të këtë sado e vonuar”, përfundon Hoti.