Aeroporti ‘Adem Jashari’ së shpejti me një aeroplan të ri
Kompania “Eurowings” që operon në Kosovë po synon stacionimin edhe të një aeroplani të ri në Aeroportin Ndërkombëtar të Prishtinës, si dhe angazhimin e një ekuipazhi vendor.
Kjo ishte edhe tema e diskutimit në një takim mes Zëvendësministrit të Ministrisë së Infrastrukturës dhe Transportit, Rexhep Kadriu dhe delegacionit austriak të kompanisë ajrore “Eurowings” dhe “Lufthansa Group”.
Në takim u tha se “me startimin e operimit të këtij aeroplani, do të rritet edhe zhvillimi ekonomik i vendit, ngase do të bëhet i mundur punësimi i të rinjëve kosovarë, ku për çdo fluturim do të punësohen nga tridhjetë pjesëtarë ekuipazhi. Përveç kësaj, në të ardhmen synohet që numri i të punësuarve të arrijë deri në 300, të trajnohen profesionalisht dhe të jenë të gatshëm të punojnë edhe nëpër destinacione të tjera nëpër botë”, përcjell zeri.info.
Njoftimi i plotë:
Zëvendësministri i Ministrisë së Infrastrukturës dhe Transportit, Rexhep Kadriu, në emër të Ministrit Pal Lekaj, të martën ka pritur në takim delegacionin austriak të kompanisë ajrore “Eurowings” dhe “Lufthansa Group”.
Temë kryesore e këtij takimi ishte rritja e afarizmit ajror dhe fluturimeve, e për të cilën kompania “Eurowings” tashmë operon në Kosovë, por që synon stacionimin edhe të një aeroplani të ri në Aeroportin Ndërkombëtar të Prishtinës, si dhe angazhimin e një ekuipazhi vendor.
Me startimin e operimit të këtij aeroplani, do të rritet edhe zhvillimi ekonomik i vendit, ngase do të bëhet i mundur punësimi i të rinjëve kosovarë, ku për çdo fluturim do të punësohen nga tridhjetë pjesëtarë ekuipazhi. Përveç kësaj, në të ardhmen synohet që numri i të punësuarve të arrijë deri në 300, të trajnohen profesionalisht dhe të jenë të gatshëm të punojnë edhe nëpër destinacione të tjera nëpër botë.
Zëvendësministri Kadriu, duke pasur parasysh interesat e qytetarëve të Republikës së Kosovës, pohoi se një gjë e tillë, përveçse do të ndihmonte në rritjen e kapaciteteve të resurseve humane të Kosovës, gjithashtu do të luante një rol shumë të rëndësishëm edhe në stimulimin e tregut dhe zbritjen e çmimit të aviobiletave.
Në këtë mënyrë, MIT do të jetë e gatshme të mirëpres çdo kërkesë të parashtruar nga autoritetet austriake, si dhe të ofrojë çdo lloj mundësie brenda kompetencave të saj, deri në zbatimin e plotë të marrëveshjes me kompaninë në fjalë.
