Çfarë mësoi nga Islami dhe çfarë ju thotë Muslimanëve një Hebre si Leopold Weiss i cili u bë Muhammad Asad (1900–1992)

Muhammad Asad ishte një mendimtar, diplomat dhe dijetar i shquar i lindur si Leopold Weiss në Lviv (atëherë pjesë e Austro-Hungarisë), në një familje hebreje me traditë rabinike. Qysh i ri punoi si gazetar për Frankfurter Zeitung, duke udhëtuar gjerësisht në Lindjen e Mesme. Kontakti i tij me botën arabe dhe studimi i thellë i Kur’anit e çuan gradualisht drejt Islamit, të cilin e përqafoi në vitin 1926, duke marrë emrin Muhammad Asad.

Muhammad Asad vdiq në vitin 1992 në Mijas, Spanjë, duke lënë pas një trashëgimi të gjerë intelektuale që vazhdon të ndikojë studiuesit dhe lexuesit myslimanë në mbarë botën.

Ndër të tjera ai thotë:

1. “Islami u shfaq tek unë si një harmoni e ndërtuar mbi logjikë, thjeshtësi dhe ekuilibër.”

2. “Kur’ani i drejtohet arsyes së njeriut dhe kërkon prej tij përpjekje morale.”

3. “Njeriu është mëkëmbës i Zotit në tokë, jo si privilegj, por si detyrim.”

4. “Njeriu është i lirë sepse është përgjegjës.”

5. “E vërteta vjen tek ai që hapet ndaj saj.”

6. “Asnjë popull nuk mund të mbijetojë nëse mohon vlerat e tij themelore.”

7. “Madhështia nuk lind nga imitimi, por nga origjinaliteti moral.”

8. “Sheriati nuk është kod i ngurtë, por mënyrë jetese e udhëhequr nga parime të pandryshueshme.”

9. “Arsyeja nuk është armike e shpalljes; ajo e bën shpalljen të kuptueshme.”

10. “Islami nuk është vetëm fe, por qytetërim moral.”

11. “Islami më shfaqet si një vepër e përsosur arkitekture: asgjë nuk është e tepërt dhe asgjë nuk mungon.”

12. “Nuk ishin muslimanët ata që e bënë Islamin të madh; ishte Islami që i bëri muslimanët të mëdhenj.”

13. “Nëse uji qëndron i palëvizur, prishet; kur rrjedh, pastrohet. Kështu është edhe njeriu.”

14. “Ne nuk e gjejmë vendin tonë në botë duke qëndruar, por duke lëvizur drejt tij.”

15. “Musliman i vërtetë është ai që ka frikë të Allahut në zemër dhe që përpiqet të ngrihet shpirtërisht.”

16. “Shkatërrimi i muslimanëve nuk erdhi nga Islami, por nga braktisja e tij.”

17.“Asnjë fe tjetër nuk e ka vlerësuar mendimin njerëzor aq lart sa Islami.”

18. “Ishte boshi i qytetërimit modern që më shtyu të kërkoja kuptimin – dhe e gjeta në Islam.”

19. “Islami nuk kërkon t’i shpëtojmë jetës, por të jetojmë në mënyrë kuptimplote brenda saj.”

20. “Shpirti modern nuk vuan nga mungesa e lirisë, por nga mungesa e drejtimit.”

21. “Nuk mund të bëhet një shoqëri islamike vetëm duke e quajtur veten muslimane; ajo bëhet e tillë duke jetuar sipas parimeve të Islamit.”

22. “Liria e vërtetë e njeriut është të jetë i përgjegjshëm para Zotit.”

23. “Njeriu humbet vlerën kur përpiqet të imitojë të tjerët; madhështia vjen vetëm nga vetvetja.”

24. “Islami nuk është fe e të kaluarës: ai është mënyrë jetese për çdo kohë dhe çdo njeri.”

25. “Rilindja e muslimanëve fillon në çastin kur ata rizbulojnë vetveten në dritën e Islamit."

-----

Nga libri i tij: Rruga për në Mekë dhe Mesazhet e Kur'anit...