Alarm i kuq në Spanjë, reshjet shkaktojnë përmbytje masive [video]

Një grua 102-vjeçare humbi jetën dhe rreth 90 persona u shpëtuan të premten në Madrigueras, në provincën e Albacetes, pasi reshjet e dendura shkaktuan përmbytje të mëdha në qytet.

Sipas autoriteteve, në zonë u regjistruan 142 litra shi për metër katror, ndërsa uji në banesën ku u gjet viktima kishte arritur rreth një metër lartësi.

Shërbimet e emergjencës kryen rreth 90 operacione shpëtimi, kryesisht për banorët e bllokuar në shtëpitë e përmbytura.

Kryeministri Pedro Sánchez shprehu ngushëllimet për familjen e viktimës dhe solidaritetin me banorët e prekur.

Ndërkohë, Garda Civile po vijon punën për pastrimin e zonave të dëmtuara.

Moti i keq pritet të vazhdojë në pjesë të ndryshme të Spanjës gjatë fundjavës.

Të shtunën priten reshje të forta dhe stuhi, veçanërisht në Tarragona, ndërsa në disa zona është lëshuar alarm i kuq për reshje të rrëmbyeshme.

Të dielën pritet të vazhdojnë reshjet dhe stuhitë, me mundësi për formimin e një DANA, fenomen atmosferik që mund të sjellë reshje shumë të dendura dhe përmbytje në disa pjesë të vendit. 

#AvisosGC | Severas inundaciones en Madrigueras (#Albacete). ë‍ë Las intensas precipitaciones han provocado riadas en vías urbanas e interurbanas. El gran caudal de agua ha anegado calles y ha provocado el arrastre de vehículos. ë Evita desplazamientos innecesarios y no atraviese zonas inundadas. Antes de emprender la marcha, consulta: ë https://t.co/zmqEwr3gjN ë@InformacionDGT ëTeléfono 011 ëBoletines

— Guardia Civil (@guardiacivil) October 2, 2026