Presidenti kinez nis vizitën shtetërore në Washington, Trumpi e pret në aeroport

Presidenti i Kinës, Xi Jinping, pritet të mbërrijë sonte në Washington, ku do të nisë vizitën e tij të parë shtetërore në Shtetet e Bashkuara të Amerikës pas më shumë se një dekade.

Presidenti amerikan, Donald Trump raportohet se do ta presë personalisht Xi Jinping në pistën e aeroportit, në vend që të presë mbërritjen e tij në Shtëpinë e Bardhë.

Vendimi i Trump për ta pritur liderin kinez që në mbërritje shihet si një sinjal i rëndësisë që administrata amerikane i kushton vizitës dhe marrëdhënieve mes dy fuqive më të mëdha ekonomike në botë.

Vizita e Xi Jinping vjen në një periudhë kur marrëdhëniet SHBA–Kinë mbeten një çështje me rëndësi të veçantë për tregtinë, sigurinë dhe çështjet gjeopolitike.