Netanyahu: Nuk ka uri në Gazë, këto janë gënjeshtra

Benjamin Netanyahu tha se Izraeli ka lejuar dy milionë tonë me ndihma.

Shumica e organizatave të ndihmës thonë se sasia e ndihmës që lejohet në Gazë është shumë më e ulët se ajo që nevojitet, shkruan Skynews.

“Nëse do të kishim një politikë urie, askush në Gazë nuk do të kishte mbijetuar pas dy vitesh lufte”.

Netanyahu tha se ekziston një “fushatë globale gënjeshtrash” kundër Izraelit.

Ai pretendon se Hamasi ka plaçkitur kamionët e ndihmës dhe se ushqimi i pambledhur është “kalbur” në kufi, duke fajësuar OKB-në për mosshpërndarjen e tij.

Ai kritikon median ndërkombëtare për mbulimin e urisë në Gazë, duke dhënë tre shembuj të asaj që ai e quan fotografi të rreme të fëmijëve të uritur.

“Po shqyrtoj tani mundësinë e një padie qeveritare kundër New York Times sepse kjo është skandaloze”. /Telegrafi