Mjeku nga spitali i Gazës thirrje të dërguarit të Trumpit: Ejani dhe shihni urinë vetë

Mjeku nga spitali i Gazës thirrje të dërguarit të Trumpit: Ejani dhe shihni urinë vetë

Bota July 31, 2025 - 14:10

Një mjek amerikan që punon në Gazë ka deklaruar për skynews se i dërguari i Donald Trumpit që viziton rajonin duhet të shkojë në spitalin e tij për të parë shkallën e vërtetë të urisë në rajon.

Pediatri Dr. Tom Adamkiewicz, që punon në Spitalin Nasser në Gazë, tha se pretendimet se nuk po përhapet një zi buke në enklavë janë “një gënjeshtër absolute”.

Mjeku nga Atlanta tha: “Kjo nuk është absolutisht e vërtetë, sepse e kam parë me sytë e mi.”

“Dhe do të doja që z. Witkoff të vinte këtu dhe të fliste me mua, ballë për ballë, dhe unë do t’ia tregoj, në rregull?”

“Z. Witkoff, ejani këtu tani”.

“Në fakt, do t’ju takoj në zonën e dekonfliktuar jashtë spitalit dhe do t’ju shoqëroj në spital”, shtoi mjeku.

Fjalët e tij vijnë ndërsa autoriteti kryesor për mungesën e ushqimit paralajmëroi më parë këtë javë se në Gazë po ndodhte një zi buke.

Klasifikimi i Integruar i Fazës së Sigurisë Ushqimore (IPC) tha se “skenari më i keq” po zhvillohej në Gazë.

“Kam qenë këtu për tre ditë tani dhe është shumë e vështirë të shpjegoj se çfarë po ndodh këtu”, tha Adamkiewicz.

Ai shton se “shumica e njerëzve” që kishte parë në spitalin e tij kishin shenja të kequshqyerjes.

“Shumë fëmijë po humbasin ndjenjat gjatë ditës dhe po lëndohen”, vazhdoi mjeku.

“Këta fëmijë vuajnë nga kequshqyerja ekstreme e rëndë sepse ekziston një kombinim i sëmundjes kronike dhe kequshqyerjes”.

Ai tregoi gjithashtu për çmimet e fryra të ushqimeve në Gazë, me 1 kg mish ose sheqer që kushtonin “100 dollarë”.

“Kjo është një situatë absolutisht çnjerëzore”. /Telegrafi