Të paktën 27 të vdekur pas përmbytjes së anijes turistike në Vietnam

Të paktën 27 persona kanë vdekur pasi një anije turistike u përmbys në Vietnam.

Anija Wonder Sea thuhet se mbante 53 persona, përfshirë pesë anëtarë të ekuipazhit, kur u përmbys për shkak të erërave të forta në Gjirin Ha Long.

Ekipet e shpëtimit kanë gjetur 11 të mbijetuar dhe kanë nxjerrë 27 trupa, tetë prej tyre fëmijë, shkruan skynews.

Gazeta e Ushtrisë Popullore, e cila citoi rojet kufitare lokale, tha se autoritetet nuk kanë konfirmuar ende detaje rreth turistëve, përfshirë kombësitë e tyre, ndërsa operacioni i shpëtimit vazhdon.

Shumica e pasagjerëve ishin turistë, përfshirë rreth 20 fëmijë, nga kryeqyteti i vendit, Hanoi, sipas gazetës.

Incidenti vjen menjëherë pas mbërritjes së stuhisë Wipha në Detin e Kinës Jugore, e cila solli erëra të forta, shira të rrëmbyeshëm dhe vetëtima në zonë.

Stuhia e emëruar është tajfuni i tretë që godet Detin e Kinës Jugore këtë vit dhe pritet të arrijë në tokë përgjatë bregdetit verior të Vietnamit në fillim të javës së ardhshme.

Sipas Aeroportit Noi Bai, ndërprerjet e lidhura me stuhinë kanë pasur gjithashtu një ndikim në udhëtimet ajrore.