Sulm me thikë në një treg në Londër, një i vdekur dhe dy të plagosur

Një sulm me thikë ka ndodhur në një treg në Londër, ku ka mbetur i vdekur një person e ndërsa dy persona kanë mbetur të plagosur.

Policia Metropolitane thotë se tre persona u sulmuan të dielën në mëngjes në East Street Market, jashtë Walworth Road në jug të Londrës. Një burrë, i cili besohet të jetë rreth të 60-ave, u arrestua në vendngjarje.

Dy personat e plagosur, një burrë dhe një grua, u dërguan në spital për trajtim. Mësohet se incidenti ka të bëjë me shëndetin mendor dhe policia konfirmoi se nuk po trajtohet si terrorizëm.

Oficerët nuk po kërkojnë askënd tjetër në lidhje me sulmin, por thonë se hetimi i tyre është në një fazë të hershme.

Komandanti Peter Stevens tha: "Tragjikisht, një burrë humbi jetën këtë mëngjes dhe oficerët po punojnë shumë për të përcaktuar saktësisht se çfarë ka ndodhur dhe për të ofruar mbështetje për familjen e tij. Mendimet dhe ngushëllimet e mia të sinqerta janë me ta dhe me njerëzit e tjerë të plagosur ". /dosja.al