U raportua për “shpërthim” në Washington, autoritetet japin detaje
Dhjetëra persona raportuan se kishin dëgjuar një shpërthim të fuqishëm në zonën e Uashingtonit DC, i cili dridhi shtëpitë dhe shkaktoi panik, megjithëse asnjë zyrtar nuk e ka identifikuar ende shkakun e zhurmës së fortë.
Zyrtarët thanë se aeroplani ushtarak shkaktoi një përplasje me zë të lartë, që u dëgjua në të gjithë zonën e Uashingtonit dhe madje dridhi rezidencat e banimit të dielën, transmeton Telegrafi.
“Një zhurmë e dëgjuar në të gjithë zonën e qytetit u shkaktua nga një fluturim i autorizuar nga Departamenti i Mbrojtjes i SHBA. Ky fluturim shkaktoi një bum zanor. Ky është i gjithë informacioni i disponueshëm në këtë moment”, u tha nga Zyra e Menaxhimit të Emergjencave në qytetin e Annapolis.
U njoftua gjithashtu se bumi i zërit erdhi nga një “aeroplan nga baza ushtarake Andrews”.
Menaxhimi i Sigurisë Kombëtare dhe Emergjencave të Uashingtonit, tha se departamenti ishte “në dijeni të raporteve nga komunitetet në të gjithë rajonin e kryeqytetit për një ‘bum’ të zhurmshëm këtë pasdite dhe se nuk ka asnjë kërcënim për momentin”.
Agjencitë e tjera lokale të zbatimit të ligjit raportuan se kishin marrë thirrje shqetësimi për zhurmën. Shërbimi zjarrfikës dhe EMS thanë se nuk kishin “incidente të vazhdueshme” për shkak të raportit.