Brnabiq: Serbia është e vendosur në rrugën evropiane, por mungon vlerësimi nga BE-ja

Kryeministrja serbe Ana Brnabiq, foli të premten me raportuesin e Parlamentit Evropian për Serbinë, Vladimir Bilcik dhe të tjerë për të diskutuar mbi integrimin evropian të Serbisë, reformat e sundimit të ligjit, parlamentare. bashkëpunimin si dhe situatën aktuale globale.

Brnabiq tha se Serbia ishte e vendosur në rrugën evropiane dhe se qeveria e saj e re do të angazhohej për një vazhdimësi të fortë të reformave të sundimit të ligjit, të cilat ajo vuri në dukje se ishin në interes të qytetarëve serbë.Tutje, ajo tha se rekomandimet e ODIHR-it për përmirësimin e procesit zgjedhor, si dhe shumë rekomandime nga mbikëqyrësi anti-korrupsion i Këshillit të Evropës GRECO, ishin zbatuar në të kaluarën.

Këto rezultate, së bashku me amendamentet kushtetuese në lidhje me gjyqësorin, tregojnë shkallën në të cilën Serbia është një partner i besueshëm që po kryen hapat e reformës në rrugën e saj evropiane, tha ajo.Ajo që mungon është vlerësimi adekuat i atyre arritjeve dhe sinjaleve pozitive nga BE-ja për Serbinë dhe Ballkanin Perëndimor sa i përket procesit të zgjerimit, shpjegoi ajo, shkruan Tanjug, transmeton Gazeta10.