Vuçiq: Po zhdukemi si komb

Vuçiq: Po zhdukemi si komb

Bota November 24, 2021 - 19:58

Presidenti i Serbisë, Aleksandar Vuçiq, ka dhënë një numër zotimesh për ndihmë financiare për lindjen e fëmijëve me synim shtimin e tyre.

Ai tha se po “shuhen si komb” për shkak të uljes së numrit të demografisë, prandaj edhe duhet ndryshuar për Familjen, njofton Klan Kosova.

“Duke pasë parasysh faktin se po zhdukemi si popull, se jemi gjithnjë e më pak, të dhënat tregojnë se për riprodhim na duhet 2.15. Është një problem shumë kompleks. Pavarësisht se buxheti është miratuar, nga 1 janari shteti do të paguajë 300 mijë dinarë për fëmijën e parë që lind në familje.Duam të inkurajojmë lindjet”.

Vuçiq tha se edhe masat e tjera pritet të miratohen meqë duan që t’i plotësojnë nevojat prindërore, shkruan B92.

“Duke bërë këtë, ne duam të motivojmë të rinjtë që të largohen më herët nga shtëpitë dhe banesat e prindërve, sepse aty kemi shans të vogël për të krijuar familje”.