BE-ja do t’i dhurojë edhe 200 milionë vaksina

BE-ja do t’i dhurojë edhe 200 milionë vaksina

Bota September 15, 2021 - 14:18

Presidentja e Komisionit Evropian, Ursula von der Leyen, tha se blloku do të ndajë 200 milionë doza të vaksinës kundër koronavirusit në vendet joanëtare të BE-së deri në mes të vitit të ardhshëm.

“Prioriteti ynë i parë dhe më urgjent është të përshpejtojmë vaksinimin global”, tha Von der Leyen në fjalimin e saj vjetor para bllokut.

BE-ja tashmë është zotuar se do të ndajë 250 milionë doza të vaksinës.

Në fund të muajit të kaluar 70 për qind e qytetarëve të rritur të BE-së kanë qenë plotësisht të vaksinuar.

Por, Von der Leyeni tha se është e shqetësuar nga normat e ndryshme të vaksinimit midis vendeve anëtare të BE-së.

Në fjalimin e saj, ajo përmendi edhe shtetet e Ballkanit Perëndimor dhe procesin e zgjerimit të BE-së. /REL