2500 qytetarë ngrihen në protesta kundër vaksinimit me detyrim në Greqi
Foto Ilustruese

2500 qytetarë ngrihen në protesta kundër vaksinimit me detyrim në Greqi

Bota July 21, 2021 - 18:52

Rreth 2500 persona protestuan sonte në sheshin Sindagma në Greqi kundër vaksinimit dhe  detyrimit për ta bërë atë sipas një vendimi të qeverisë greke.

Me pankarta në duar protestuesit kërkuan që askush  mos të detyrohet ta bëjë vaksinën, aq më tepër të penalizohet për kundërshtimin e tij për t‘u vaksinuar.

Mes protestuesve ndodhen edhe dhjetëra anëtarë të shoqatave fetare të cilët hedhin edhe teori kospiracioni lidhur me virusin dhe prejardhjen  e tij.

E ndërsa sërish shifrat e të infektuarve mbeten frikshme, me rreth 3000 infektime në ditë, ekspertët e epidimiologjisë ngrenë alarmin për përhapje edhe më të madhe të covid ,kryesisht mes të pa vaksinuarve.

Situata më alarmante ndodhet në Atikë,në Kretë ndërsa shifra të larta kanë edhe ishujt që janë edhe destinacionet kryesore turistike në vend. /tch