Danimarka bllokon përfundimisht vaksinën “AstraZeneca”
Bota
April 14, 2021 - 14:39
Danimarka ka bllokuar përfundimisht përdorimin e vaksinës "AstraZeneca". Arsyeja lidhet me rastet e trombozës që paraqiten në veçanti te moshat më të reja.
Vendimi i qeverisë në Kopenhagë do të bllokojë për disa javë fushatën e vaksinimit në atë vend.
Agjencia Europiane e Barnave, EMA, kishte pranuar javën e kaluar efektet e mundshme negative të vaksinës së krijuar në bashkëpunim me universitetin e Oksfordit, por kishte vlerësuar që benefitet ishin më të mëdha sesa efektet negative.
Danimarka shndërrohet në vendin e parë që bllokon totalisht vaksinimin me "AstraZeneca". /A2
