Infektuar: 101517
Shëruar: 87012
Vdekur: 2072
Sllovenia forcon regjimin kufitar shkaku i COVID-19, kërkohet test negativ PCR

Sllovenia forcon regjimin kufitar shkaku i COVID-19, kërkohet test negativ PCR

Bota March 04, 2021 - 23:30

Për shkak të rrezikut të futjes së varianteve të reja të coronavirusit, Sllovenia do të kryejë mbikëqyrje të intensifikuar dhe do të forcojë nga hëna kushtet për të hyrë në vend përmes kufijve me Italinë, Austrinë dhe Hungarinë.

Gjithashtu, nga e hëna, 15 mars, të gjithë ata që hyjnë në Slloveni si migrantë të përditshëm ose javor të punës do të duhet të tregojnë një test negativ për coronavirus, jo më të vjetër se shtatë ditë, gjë që nuk u është dashur të bëjnë deri më tani dhe janë liruar nga karantinë e detyrueshme, raporton index.hr.

Njerëzit të cilët herë pas here kalojnë kufirin për t’u kujdesur për njerëzit, të huajt që kanë tokë në Slloveni dhe njerëzit që hyjnë për arsimim gjithashtu do të duhet të bëjnë një test negativ për coronavirus.

Fëmijët deri në moshën 13 vjeçare janë të përjashtuar nga rasti i fundit, por personi që i drejton ata duhet të ketë një test negativ.

Të gjitha këto kategori deri më tani janë përjashtuar nga karantina ose testimi i detyrueshëm javor. Më 13 shkurt, qeveria sllovene tashmë kishte vendosur që përjashtime të tilla nuk ishin më të vlefshme dhe se ato duhej të testoheshin, por u hoqën ditën tjetër./telegrafi