Infektuar: 18910
Shëruar: 15367
Vdekur: 674
Sipas ligjit të ri në Nigeri, përdhunuesit do të kastrohen dhe pedofilët do të dënohen me vdekje

Sipas ligjit të ri në Nigeri, përdhunuesit do të kastrohen dhe pedofilët do të dënohen me vdekje

Bota September 18, 2020 - 13:55

Në Nigeri Legjislacioni i ri i aprovuar së fundmi parashikon që ata që përdhunojnë një fëmijë nën 14 vjeç dënohen automatikisht me vdekje ndërsa përdhunuesit e tjerë i nënshtrohen kastrimit kirurgjik.

Ky zhvillim vjen pasi publiku është zemëruar mbi rritjen e numrit të përdhunimeve e sidomos ne mes të kufizimeve të koronavirusit, të cilat kanë bërë që disa guvernatorë lokalë të vendosin gjendjen e emergjencës, shkruan Top Channel.

Guvernatori i Kaduna, Nasir Ahmad el-Rufai tha se dënimet drastike nevojiten për të shtuar mbrojtjen ndaj fëmijëve prej krimeve të rënda.

Grupet e grave kanë kërkuar veprime edhe më të ashpër kundër përdhunuesve përfshi dhe dënimin me vdekje.
Ligji shtetëror i Kaduna, provinca me popullsinë më të madhe në vend, është më i ashpri në Nigeri.

Vendi ka ndryshuar kodin e tij penal duke caktuar dënimin me 21 vjet burg për përdhunimin e një të rrituri dhe dënim të përjetshëm për përdhunimin e të miturve.

Ndërsa një grua që përdhunon një fëmijë nën moshën 14 vjeç dënohet me heqje kirurgjike të vezoreve./Zëri