Infektuar: 18910
Shëruar: 15367
Vdekur: 674
Rusia 'shumë aktive' për të ndikuar në zgjedhjet e SHBA-së, thotë drejtori i FBI-së

Rusia 'shumë aktive' për të ndikuar në zgjedhjet e SHBA-së, thotë drejtori i FBI-së

Bota September 17, 2020 - 21:18

Drejtori i Byrosë Federale të Hetimeve (FBI) në Shtetet e Bashkuara, Christopher Wray, u ka thënë ligjvënësve amerikanë se Rusia vazhdon përpjekjet që të ndikojë në zgjedhjet e SHBA-së dhe se qëllimi i saj kryesor është të "denigrojë" kandidatin për president të Partisë Demokratike, Joe Biden.

Wray tha gjatë dëshmisë para Komitetit të Sigurisë Kombëtare të Dhomës së Përfaqësuesve më 17 Shtator se Rusia qëndron pas "ndikimit malinj të huaj" që synon të dëmtojë fushatën e Bidenit përmes mediave sociale, atyre shtetërore dhe formave tjera online.

Moska gjithashtu përdor këto platforma në përpjekjet e saj për të minuar atë që e sheh si një strukturë anti-ruse në SHBA, tha Wray.

Drejtori i FBI-së shtoi se shqetësimi i tij më i madh ishte që një "fushatë e dezinformimit" do të çonte në një humbje të besimit në rezultatin e zgjedhjeve presidenciale të 3 nëntorit, në të cilat do të garojnë, Biden dhe presidenti aktual, Donald Trump.

Dëshmia e Wray vjen ndërsa Shtëpia e Bardhë ka minimizuar raportet se Rusia po përpiqet të ndihmojë Trumpin të fitojë rizgjedhjen.