Shpërthim i fuqishëm në Bejrut në prag të vendimit për vrasjen e Haririt
Një shpërthim i fuqishëm ka goditur kryeqytetin libanez, Bejrutin, para shpalljes së vendimit në një rast gjyqësor për vrasjen e ish-kryeministrit, Rafik Hariri, më 2005.
Raportimet thonë se shpërthimi ndodhi në zonën port të qytetit, ndërsa raportohet edhe për një shpërthim të dytë të pakonfirmuar. Nuk dihet se çfarë i shkaktoi ato, raporton BBC.
Video të postuara online shfaqin një re të madhe kërpudhë dhe dëme të mëdha.
Stunning video shows explosions just minutes ago at Beirut port . pic.twitter.com/voFfKQ9vZ7
— ë ë (@SGBJP) August 4, 2020
Një tribunal i OKB-së pritet të marrë vendim në gjykimin ndaj katër të dyshuarve në vrasjen me makinë-bombë të Haririt, transmeton Zeri.info.
Të katërtit janë anëtarë të grupit të përkrahur nga Irani, Hezbollah, i cili vazhdimisht ka mohuar çfarëdo roli në vdekjen e Haririt. Ata po gjykohen në mungesë dhe vendimi pritet të merret të premten.
Shpërthimi i dytë i mundshëm u raportua të ketë ndodhur në rezidencën e Haririt në qytet.
Ministri i Shëndetësisë i Libanit, Hamad Hasan, ka folur për shumë të lënduar dhe për dëme të mëdha.
Mediat lokale kanë shfaqur njerëz të ngujuar nën rrënoja. Një dëshmitar përshkroi shpërthimin e parë si shurdhues.
Raportimet e fundit vijnë mes tensioneve politike në Liban, me demonstrata në rrugë ndaj menaxhimit të keq me krizën ekonomike, më të keqën që nga lufta civile 1975-1990.
Aftermath of the explosion in Beirut (via WhatsApp) pic.twitter.com/J0Clr3m53q
— Quentin Sommerville (@sommervilletv) August 4, 2020