Britania ka arritur objektivin e testimit të 200 mijë të dyshuarve me COVID-19 në ditë
Britania ka arritur objektivin e saj të testimit të 200.000 njerëzve të dyshuar me koronavirus, përfshirë mjetet për 40,000 teste antitrupash në ditë, tha qeveria të dielën, duke shtuar se këtë qëllim kishte përmbushur një ditë më parë.
Kryeministri, Boris Johnson, vendosi objektivin e arritjes së 200,000 testeve në ditë deri në fund të muajit, shkruan “Reuters”, transmeton “Zeri.info”.
"Arritja e objektivit tonë, të 200,000 testimeve, është një moment historik i rëndësishëm në udhëtimin tonë për të kontrolluar përhapjen e virusit, për të shpëtuar jetë dhe për të lehtësuar gradualisht bllokimin", tha ministri i shëndetësisë Matt Hancock në një deklaratë.
"Duke zgjeruar me shpejtësi aftësinë tonë të testimit, ne kemi qenë në gjendje të prezantojmë Testin dhe Gjurmën e NHS (Shërbimi Kombëtar i Shëndetit), dhe t'iu mundësojmë atyre që kanë simptoma të koronavirusit të testohen, kjo është një pjesë e rëndësishme e programit", tha Johnson.
