Kroacia rihap kufijtë e saj me 10 vende, por ka vënë një kusht për turistët e huaj

Kroacia ka rihapur kufijtë e saj me 10 vende, duke përfshirë shumë tregje kryesore të turizmit të saj, si Austria, Gjermania dhe Republika Çeke.

Por, siç raportojnë mediet e huaja, përcjell “Telegrafi”, që të futet në territorin kroat çdo vizitor do të duhet të tregojë një test negativ për COVID-19.

Ndryshe, siç thuhet më tej, Kroacia ka regjistruar rreth 100 vdekje nga koronavirusi dhe është përgjigjur shpejt ndaj sëmundjes.

Instituti i Shëndetit Publik ndërkohë ka publikuar udhëzime edhe para arritjes së turistëve nga Kina në fund të janarit.

Por pandemia ka goditur rëndë industrinë e turizmit në vend, shpëtimi i të cilit sektor, përkatësisht sezonit veror, ka të ngjarë të jetë një përparësi kryesore për qeverinë.

Në këtë drejtim bëhen të ditura vendet nga të cilat turistët pritet të lejohen të futen në Kroaci: Hungaria, Austria, Republika Çeke, Sllovakia, Estonia, Latvia, Lituania, Polonia, si dhe Gjermania.