Infektuar: 35549
Shëruar: 21746
Vdekur: 939
Si e përjetoi 4-vjeçari pandeminë më të madhe në botë që mbyti 100 milionë njerëz

Si e përjetoi 4-vjeçari pandeminë më të madhe në botë që mbyti 100 milionë njerëz

Bota March 26, 2020 - 08:34
Jose Amael Pena i kishte vetëm 4 vjet, kur në vitin 1918 një grip “kaloi” kah fshati i tij në veri të Spanjës që njihet për peshkim, shkruan The Guardian.

Pas më shumë se një shekulli, Amael Pena për të cilin besohet se është spanjolli i vetëm i gjallë që i ka mbijetuar gripit spanjoll – pandemisë që konsiderohet si më vdekjeprurësja në historinë e njerëzimit – ka një paralajmërim për tërë botën tani që po përballet me COVID-19, transmeton Telegrafi.

“Keni kujdes. Nuk dua që e njëjta gjë të përsëritet. Ka marrë aq shumë jetë njerëzish”, ka thënë ai.

Gripi i vitit 1918 ka qenë i njohur si gripi spanjoll, pasi që të përditshmet lokale kishin raportuar të parat për këtë sëmundje, që ua mori jetën nga 50 deri në 100 milionë njerëzve në mbarë botën. Në vjeshtën e vitit 1918 ishte i vetmi nga shtatë motrat dhe vëllezërit që u prek nga gripi.

“Ende nuk po mund ta kuptojë se si jam ende këtu”, ka thënë Pena i cili tani i ka 105 vjet dhe dukej i shëndetshëm derisa po fliste për El Mundo.

Image

“Kur u zgjova, mezi arrija të ecja. Më është dashur të shkoj zvarrë në këmbë e duar. Kam luftuar me një grip vdekjeprurës”, shtoi Pena i cili pranoi se mjekët i kishin përshkruar si recetë – zierjen e ekualiptusit dhe algat e detit.