Djaloshi 8 vjeç hidhet nga kati i 9-të, dhunohej nga prindërit

Një djalë është hedhur nga kati i 9-të i pallatit.

Raportohet se Anton ndërmori veprimin pas vitesh dhunë të ushtruar nga prindërit ndaj tij.

Hedhja nga pallati në Enerhodar, jug të Ukrainës, ishte fatale për 8-vjeçarin.

Ai u hodh drejt vdekjes pasi u kthye në shtëpi nga shkolla.

Fqinjët raportojnë se dëgjuan prindërit e tij duke i bërtitur për grisjen e rrobave dhe e rrahën.

Më pas djali hypi në dritare e banesës së tyre dhe u hodh.

Zhanna, e cila jeton një kat poshtë banesës së tyre, tha se dëgjoi goditjet ndaj djalit dhe më pas tingullin e hapave të shpejtë të fëmijës.

“Disa sekonda kaluan, kur dëgjuam se u hodh. Dola në dritare dhe pashë djalin të shtrirë në tokë. Telefonova policinë dhe ambulancën,”-shtoi ajo.

Anton u shpall i vdekur në vendin e ngjarjes. Policia ka nisur një hetim penal ndaj prindërve për mos përmbushjen e detyrave të tyre prindërore.

Prindërit e tij rrëfyen se e rrahën djalin dhe se ai u hodh nga dritarja menjëherë pas abuzimit.

Ata gjithashtu pranuan se rrihnin rregullisht djalin për ‘sjellje të keqe’, sipas raportimeve.

Pasi u morën në pyetje, çifti u largua nga banesa e tyre me qira dhe ikën nga qyteti. Oficerët po përpiqen të gjurmojnë vendndodhjen e tyre.