Terroristi që vrau 49 persona në xhami, inspirohet nga këngët çetnike

Terroristi që vrau 49 persona në xhami, inspirohet nga këngët çetnike

Bota mars 15, 2019 - 10:42
Lexoni më shumë detaje

Në një shkëmbim zjarri në dy xhami në qytetin e Christchurch të Zelandës së Re, sipas informacioneve të fundit nga mediat lokale, të paktën 49 vetë u vranë dhe më shumë se 50 u plagosën. Një sulmues i armatosur hapi zjarr në Xhaminë e Al Noorit në Zelandën e Re, në qytetin e Christchurch. Sulmuesi identifikoi veten si Brenton Tarrant (28) nga Grafton në Australi. Ai e transmetoi live sulmin e tij vdekjeprurës në Facebook, por video më pas u hoq.

Në fjalimin e tij, ai e përshkroi veten “vetëm si një burrë i zakonshëm i bardhë”. Ai tha se ai vjen nga klasa punëtore, nga një familje me të ardhura të ulëta dhe se vendosi ta bënte këtë për të siguruar të ardhmen për popullin e tij. Terroristi i ka thënë policisë se ka kryer sulmin për “uljen e normës së emigracionit në vendet evropiane”, shkruan news.com.au, transmeton zeri.info. Ndërsa sipas Daily Mail, sulmuesi hyri në veturë i maskuar dhe tha: “Le të fillojë ahengu”.

Në makinën që e drejtonte drejt xhamisë ai dëgjonte muzikë popullore dhe ushtarake. Mjetin e parkoi pranë skenës së sulmit. Ai mori armën dhe qëndroi në derën e përparme të xhamisë dhe qëllonte të gjithë ata që lëviznin.

Në disa raste ai qëndronte mbi njeriun e plagosur, e mbushte armën përsëri dhe pastaj e qëllonte për vdekje. Tarrant pastaj iku me makinë, por shpejt u arrestua.

Në videon që është publikuar nga Daily Mail dëgjohet se si  derisa ai shkonte me makinë drejt xhamisë, në makinë dëgjonte këngë çetnike, e cila përmend Radovan Karaxhiçin. Përveç kësaj, ky terrorist gdhendi në armët e tij disa emra të figurave historike që luftuan kundër ushtrisë osmane. Interesante, mes tyre janë të shkruara dy figura me çirilicë(alfabet serb)  –emri i vojvodës malazez Marko Miljan Popoviq dhe princit serb Stefan Lazar./Zeri