Franca tërheq trupat e tyre nga Siria?

Aktualisht, po konsiderohet çështja nëse Franca do të mbetet në Siri ose do të tërheqë trupat e saj, tha në një intervistë për Sputnik ambasadorja franceze në Rusi, Silvi Berman.

E pyetur nëse Franca do të qëndrojë në Siri, Berman u përgjigj: “Aktualisht kjo çështje po shqyrtohet”, transmeton Zeri.info

"Ne, ashtu si të gjithë të tjerët, u habitëm nga deklarata e SHBA-së për tërheqjen e kontigjentit të saj nga Siria. Prej atij momenti ne kemi qenë në kontakt të vazhdueshëm me udhëheqjen amerikane, por Franca gjithashtu ka marrë disa detyrime brenda koalicionit.

Por na qetëson fakti se kjo është një tërheqje graduale e trupave”, shtoi ajo.

Ajo gjithashtu tha se Franca mund të konsideronte zbatimin e një operacioni të ri humanitar me Rusinë në Siri.

"Ne me të vërtetë, së bashku me Rusinë dhe Kombet e Bashkuara morëm pjesë në një operacion humanitar në Gutën Lindore. Bashkëpunuam me OJQ-të dhe ushtrinë ruse dhe jemi të gatshëm të shqyrtojmë operacione të tjera humanitare të ngjashme”, shpjegoi ajo./Zeri