Qindra pasagjerë mbeten të bllokuar pas pezullimit të Turkmenistan Airlines

Qindra pasagjerë janë gjendur të bllokuar në Britaninë e Madhe ditën e sotme pas vendimit të autoriteteve europiane përgjegjëse për aviacionin civil për të pezulluar fluturimet e kompanisë ”Turkmenistan Airlines” për arsye sigurie.

Kompania kombëtare ajrore e Turkmenistanit kryente disa fluturime javore që lidhnin qytetet e Londrës (Heathrow) dhe Birmingham me Amritsar dhe Nju Delhin, në Indi kryesisht nëpërmjet Achkhabad, kryeqyteti i Turkmenistanit.

‘’Agjencia europiane e sigurisë ajrore (AESA) pezulloi fluturimet e ‘’Turkmenistan Airlines’’ që niseshin dhe kishin si destinacion BE-në, në pritje të konfirmimit të përputhshmërisë me standartet ndërkombëtare të sigurisë ajrore’’, deklaroi Ministria britanike e Punëve të Jashtme në një njoftim për udhëtarët.