Tanku rus 'me këmbë përpjetë' (Foto)
Rusia pretendon se është një shtet i fuqishëm ushtarakisht, mirëpo disa foto të realizuara në Naro-Forminsk (rrethi i Moskës), nga kalimtarë rusë të çastit e dëshmojnë se tanket rrokullisen shumë lehtë, madje vetëm duke ecur në kolonë.
Nga fotot që i shihni, dëshmohet se tanku është i tipit T-80U me numër 469. Miti i “forcës ruse” të Vladimir Putinit nuk po mund të jetojë as në Moskë e lërë më jashtë Rusisë. Para 4 ditësh SHBA, Britania e Madhe dhe Franca në një operacion ushtarak bombarduan caqet e Bashar Al Asadit, partnerit të Putinit.
Ditë më parë, duke e parë rrezikun, forcat ruse qenë tërhequr në det dhe e lanë të vetëm Asadin. Sipas fotove të marra nga Moska, gjendja e tankeve ruse nuk dallon shumë nga viti 1999, kur rusët kishin hyrë në Kosovë tinëzisht, transmeton Indeksonline.
Atëherë, ushtarët rusë në Kosovë ishin në gjendje të mjerë financiare dhe ushtarake, dhe brenda pak kohësh qenë kthyer për në vendin e tyre. Rusia e Putinit në krahasim me atë të Jelcinit dallon vetëm në një aspekt – propagandë. Putini vetëm shtiret se është i fortë, gjersa tanket i mbesin me këmbë përpjetë!
