Infektuar: 58399
Shëruar: 51081
Vdekur: 1466
Pretendojnë se telefonat e tyre janë rezistentë ndaj ujit: Apple gjobitet me 10 milionë euro

Pretendojnë se telefonat e tyre janë rezistentë ndaj ujit: Apple gjobitet me 10 milionë euro

Auto&Tech November 30, 2020 - 16:47

Komisioni Italian i Antimonopolit gjobiti dy kompani, Apple International dhe Apple Italia, me 10 milionë euro për reklama të pasakta për telefonat e tyre dhe mospërmbushje të detyrimeve, të cilat garantohen me blerjen e telefonit të tyre celular, shkruan agjencia Agi.

Gjegjësisht, kompania Apple pretendon në mesazhet reklamuese se telefonat e tyre inteligjentë janë rezistent ndaj ujit në një thellësi prej 4 metrash dhe atë për 30 minuta, transmeton Telegrafi.

Sidoqoftë, kontrolli përcaktoi se kjo nuk është e vërtetë dhe se pretendimi i kompanisë i referohet vetëm matjes laboratorike të telefonave inteligjentë Apple.

Gjegjësisht, uji statik dhe i pastër përdoret gjatë matjeve laboratorike, i cili nuk korrespondon me jetën reale.

Gjithashtu, ndëshkimi pasoi, sepse Apple refuzoi t’u pranonte klientëve dëmin e shkaktuar pasi telefoni ishte dëmtuar nga uji ose ndonjë lëng tjetër.