Shqipëria vetëm edhe 45 minuta larg play-offit të Evropianit 2028

Kombëtarja e Shqipërisë e ka mbyllur me epërsi pjesën e parë ndaj Bjellorusisë.

“Kuq e Zinjtë” po zhvillojnë një paraqitje solide, për të qenë në epërsi prej 0-1.

Qazim Laçi kishte një mundësi të artë shënimi pas vetëm dy minutave lojë, por disi dështoi të shënojë nga afërsia.

Ndërkohë, edhe Bjellorusia rrezikoi falë disa aksioneve të shpejta, mirëpo Etrit Berisha me super pritje ua mohoi golin.

Ishte Rei Manaj që përfitoi nga një gabim në mbrojtje dhe me një goditje të fortë e la pa shanse portierin nikoqir për t’i dhënë epërsinë Shqipërisë.

Kësisoj, Shqipëria i afrohet shumë rikthimit në Ligën B, ku me një fitore faktikisht e siguron edhe play-offin e Kampionatit Evropian 2028.