Belgjika fiton me përmbysje ndaj Turqisë

Kombëtarja e Belgjikës ka shënuar një fitore të madhe në udhëtim te Turqia, në kuadër të xhiros së pestë për Ligën e Kombeve.

Belgët fituan me rezultat 1-2, sfidën që rezultoi të jetë shumë e baraspeshuar.

Arda Guler me një supergol nga gjuajtja e lirë e kaloi Turqinë në epërsi (20’).

Kurse, vetëm shtatë minuta më vonë, Kevin de Bruyne barazoi rezultatin pas asistimit të Jeremy Dokut (27’).

Heroi i Belgjikës rezultoi të jetë De Ketelaere që realizoi nga afërsia pas një asistimi të De Cuyper (30’).

Tutje, Turqia kishte disa raste për të barazuar por njëkohësisht edhe Belgjika për ta shtuar edhe më shumë epërsinë.

Kësisoj, Belgjika ngjitët në pozitën e dytë me nëntë pikë ndërsa Turqia renditet në fund pa pikë pas plot pesë xhirove. /telegrafi