LaLiga e shpërblen Mourinhon, portugezi fiton çmimin e trajnerit të muajit

Jose Mourinho është shpallur trajneri më i mirë i muajit tetor në LaLiga, pas rezultateve të shkëlqyera të Real Madridit nën drejtimin e tij.

Skuadra madrilene e mbylli muajin me bilanc të përsosur, duke fituar të gjitha ndeshjet e zhvilluara.

Fitorja 2-1 ndaj Barcelonës në El Clasico ishte kulmi i këtij muaji, ndërsa më herët Reali kishte triumfuar edhe ndaj Villarrealit (1-0) dhe Sevillas (4-1).

Në votimin përfundimtar, Mourinho la pas Pellegrino Matarazzon e Real Sociedadit dhe Diego Simeonen e Atletico Madridit.

Ky është çmimi i parë i tillë për trajnerin portugez gjatë këtij sezoni. Ai pason në këtë vlerësim Hansi Flickun, i cili ishte shpallur trajneri më i mirë i muajit shtator. /Zëri