Messi pritet të rikthehet në Argjentinë

Lionel Messi mund të rikthehet në Argjentinë në muajin janar, vetëm pak muaj pas lamtumirës së tij nga kombëtarja, pasi Inter Miami po planifikon të zhvillojë një ndeshje miqësore parasezonale ndaj River Plate.

Sipas raportimeve, marrëveshja mes dy klubeve është në fazë të avancuar, megjithëse ende nuk ka një konfirmim zyrtar nga palët për organizimin e kësaj përballjeje.

Messi kishte njoftuar në muajin gusht vendimin për t'i dhënë fund karrierës me përfaqësuesen e Argjentinës, me të cilën fitoi një Kupë të Botës dhe dy trofe të Copa América.

Lamtumira e tij nga kombëtarja ishte një moment emocional, pasi ylli argjentinas u përshëndet para mijëra tifozëve, duke regjistruar edhe golin e 126-të me fanellën e përfaqësueses.

Nëse miqësorja konfirmohet, rikthimi i 39-vjeçarit në vendlindje pritet të shoqërohet me interesim të jashtëzakonshëm nga tifozët.

Messi është golashënuesi dhe futbollisti me më së shumti paraqitje në historinë e kombëtares argjentinase, ndërsa një përballje ndaj River Plate do t'i jepte mundësinë të rikthehej në vendin ku nisi rrugëtimin e tij drejt majave të futbollit botëror./rtk