LaLiga mund të ndalet pas vdekjes së Jesus de Miguelit, vendimi pritet së shpejti

Futbolli spanjoll mund të përjetojë një tjetër ndërprerje pas tragjedisë që tronditi Tenerifen dhe gjithë komunitetin e futbollit.

LaLiga po shqyrton seriozisht mundësinë e shtyrjes së xhiros së ardhshme në Primera dhe Segunda Division, pas vdekjes së Jesus de Miguelit.

Sipas Tuttomercatoweb, drejtuesit e LaLigës kanë zhvilluar takime për këtë çështje, ndërsa vendimi pritet t'u komunikohet zyrtarisht klubeve së shpejti.

Në tavolinë është mundësia e shtyrjes së xhiros së 12-të në elitën e futbollit spanjoll dhe xhiros së 13-të në kategorinë e dytë.

Kjo do të ishte një masë e jashtëzakonshme, e ndërmarrë pas humbjes së sulmuesit 30-vjeçar, i cili ndërroi jetë pas dëmtimit të rëndë në ndeshjen Tenerife – Andorra.

Megjithatë, përveç aspektit emocional, ekzistojnë edhe pengesa organizative dhe financiare.

Marrëveshjet me televizionet dhe sponsorët, penalizimet e mundshme kontraktuale dhe kalendari i ngjeshur janë faktorë që duhet të merren parasysh përpara vendimit përfundimtar.

Ndërkohë, Shoqata e Futbollistëve Spanjollë ka kërkuar që aktivitetet futbollistike të ndërpriten deri më 9 nëntor.

Tashmë pritet të shihet nëse LaLiga do ta pranojë kërkesën dhe do ta ndalë përkohësisht kampionatin në të dy kategoritë. /Zëri