Harry Kane e fiton Topin e Artë 2026

Harry Kane është fituesi i Topit të Artë 2026. Sulmuesi i Bayern Munichut ka triumfuar përpara Kylian Mbappés dhe Lamine Yamalit në edicionin e 70-të të çmimeve prestigjioze të futbollit, të organizuar të hënën mbrëma në Londër.

Për Kane, ceremonia kishte një domethënie të veçantë, pasi Londra është qyteti ku ai ka lindur dhe ka nisur karrierën profesionale.

Sulmuesi anglez ishte favorit për çmimin dhe në ceremoni mbërriti së bashku me familjen dhe një delegacion të madh të Bayern Munichut.

Kane kishte fituar edhe çmimin e sulmuesit më të mirë të vitit, si dhe çmimin Gerd Müller, përpara se të kurorëzohej me trofeun më të rëndësishëm individual në futboll.

Ndërkohë, Lamine Yamal u shpërblye me çmimin Kopa për futbollistin më të mirë nën moshën 21-vjeçare, për të tretin vit radhazi.

Spanja pati edhe dy fitues të tjerë në Londër. Luis de la Fuente u shpall trajneri i vitit, ndërsa Unai Simón fitoi çmimin për portierin më të mirë. /Zëri