Mitrovicë e Veriut: Gjashtë punëtorë dhe menaxheri shoqërohen në polici, injoruan vendimin e gjykatës

Menaxheri dhe gjashtë punëtorë janë shoqëruar në stacionin policor në Mitrovicë të Veriut, nën dyshimin se nuk kanë respektuar vendimin e gjykatës.

Sipas njoftimit të Policisë së Kosovës, rasti ka ndodhur dje ku personat në fjalë dyshohet se kanë vazhduar punimet në një objekt, raporton Zeri.info.

“Janë shoqëruar në stacionin policor menaxheri dhe gjashtë punëtorë të gjithë meshkuj kosovarë, pasi që nuk kanë respektuar vendimin e gjykatës dhe kanë vazhduar me punime në një objekt”, thuhet në njoftimin e PK-së.

Po ashtu thuhet se në konsultim me prokurorin pas intervistimit, të dyshuarit janë liruar në procedurë të rregullt. /Zëri