Portieri i Italisë dhe mbrojtësi nga Kosova e marrin shtetësinë shqiptare

Dy lojtarë kanë marrë shtetësinë shqiptare. Bëhet fjalë për portierin nga Italia, Elia Caprile dhe mbrojtësin nga Kosova, Amar Gërxhaliu.

Në dekretin e Presidentit të Republikës, Bajram Begaj, thuhet se dy futbollistët kanë bërë kërkesë dhe kanë marrë shtetësinë shqiptare.

Caprile, luan te Cagliari në Serinë A dhe ka qenë pjesë e kombëtares së Italisë, pa mundur të bëjë debutimin.

25-vjeçari ka partneren e tij nga Shqipëria, ndërsa marrja e shtetësisë do të thotë se në të ardhmen mund ta shohim te Kombëtarja kuqezi.

Në krahun tjetër, Gërxhaliu është pjesë Erzurumspor në Turqi.

24-vjeçari nga Kosova, ka qenë pjesë e përfaqësueses dardane, por pa mundur të bëjë debutimin.

Në të kaluarën, ai ka qenë pjesë e Shqipërisë U-18, ndërsa ka luajtur katër ndeshje me Kosovën U-21.