Fjolla Morina surprizohet me një buqetë me trëndafila të bardhë
Këngëtarja Fjolla Morina ka zgjuar kureshtjen e ndjekësve me disa imazhe të publikuara në InstaStory, ku shfaqen buqeta të mëdha me trëndafila të bardhë, duke lënë hapësirë për pyetje rreth personit që mund t’ia ketë bërë këtë dhuratë.
Në fotografitë e publikuara vërehen trëndafila të bardhë me nuanca kremi, ndërsa në njërën prej buqetave shihet edhe shkronja "F".
Një tjetër detaj që bie në sy është një shënim i vendosur mes luleve, i cili duket se përmban një dedikim, por mesazhi i plotë nuk lexohet qartë.
Ajo nuk ka zbuluar se kush ia ka dërguar lulet, nëse bëhet fjalë për një dhuratë të veçantë apo nëse ato lidhen me ndonjë rast të caktuar.
Jeta personale e Morinës ka qenë shpesh në vëmendjen e publikut, por këngëtarja së fundmi është treguar më e rezervuar kur bëhet fjalë për këtë pjesë të jetës së saj.
Statusi i saj aktual mbetet i paqartë, pasi ajo nuk ka ndarë publikisht detaje të reja që do të sqaronin situatën sentimentale.
Pikërisht kjo rezervë ndaj jetës private e bën edhe më intriguese paraqitjen e këtyre imazheve, ndonëse nuk ka asnjë konfirmim se lulet kanë lidhje me një person të veçantë apo me një marrëdhënie dashurie. /telegrafi