Destani uron Shiroka-Pulën: Moment triumfi i pjekurisë politike, stabilitetit dhe vizionit të përbashkët për të ardhmen

Filantropi Lazim Destani ka uruar Justina Shiroka-Pulën për marrjen e detyrës së presidentes së Kosovës.

Përmes një postimi në profilin e tij zyrtar në rrjetin social Facebook, Destani ka shkruar se zgjedhja e Shiroka-Pulës presidente të vendit përbën lajm të gëzueshëm e të jashtëzakonshëm.

Sipas Destanit, zgjedhja e Shiroka-Pulës presidente shënon një triumf të pjekurisë politike, stabilitetit dhe vizionit të përbashkët për të ardhmen.

“Urime popull i Kosovës, Urime Akademike e nderuar, Justina Shiroka-Pula, Zgjedhja e Akademikes Justina Shiroka-Pula si Presidente e Republikës dhe përmbyllja e suksesshme e procesit të konsolidimit të institucioneve shtetërore përbëjnë lajmin e gëzueshëm e të jashtëzakonshëm. Ky moment shënon triumfin e pjekurisë politike, stabilitetit dhe vizionit të përbashkët për të ardhmen”, ka shkruar Destani.

Tutje, Destani ka thënë se me zgjedhjen e presidentit, Kosova tashmë ka stabilitetin institucional që i duhet.

“Nga perspektiva e komunitetit të biznesit dhe angazhimit njerëzor, ky stabilitet institucional është pikërisht themeli që i duhet Kosovës. Ai hap rrugë të sigurta për zhvillim ekonomik, për investime të qëndrueshme, fuqizim të kapitalit njerëzor dhe për projekte të mëdha në shërbim të mirëqenies shoqërore. Një shtet me institucione të plota dhe funksionale është shtet që frymëzon besim te partnerët ndërkombëtarë dhe te vetë rinia e tij e mrekullueshme. Uroj që ky kapitull i ri të jetë fillimi i një epoke me suksese të pandalshme, bashkëpunim të ngushtë dhe prosperitet të gjithanshëm”, ka shkruar Destani ndër të tjerash.

Postimi i plotë i Destanit, pa ndërhyrje:

Urime popull i Kosovës,

Urime Akademike e nderuar, Justina Shiroka-Pula,

Zgjedhja e Akademikes Justina Shiroka-Pula si Presidente e Republikës dhe përmbyllja e suksesshme e procesit të konsolidimit të institucioneve shtetërore përbëjnë lajmin e gëzueshëm e të jashtëzakonshëm. Ky moment shënon triumfin e pjekurisë politike, stabilitetit dhe vizionit të përbashkët për të ardhmen.

I kam ndjekur hap pas hapi sfidat e këtij rrugëtimi, ndaj sot, krerët e vendit dhe liderët politikë, i përgëzoj përzemërsisht për urtësinë, frymën e kompromisit dhe përgjegjësinë e lartë shtetërore që treguan në këto momente vendimtare. Ata dëshmuat se kur interesat e atdheut dhe të qytetarëve vihen në plan të parë, nuk ka ngërç që nuk gjen zgjidhje.

Nga perspektiva e komunitetit të biznesit dhe angazhimit njerëzor, ky stabilitet institucional është pikërisht themeli që i duhet Kosovës. Ai hap rrugë të sigurta për zhvillim ekonomik, për investime të qëndrueshme, fuqizim të kapitalit njerëzor dhe për projekte të mëdha në shërbim të mirëqenies shoqërore. Një shtet me institucione të plota dhe funksionale është shtet që frymëzon besim te partnerët ndërkombëtarë dhe te vetë rinia e tij e mrekullueshme.

Uroj që ky kapitull i ri të jetë fillimi i një epoke me suksese të pandalshme, bashkëpunim të ngushtë dhe prosperitet të gjithanshëm.

Ju priftë e mbara!. /Zëri